2025-ci ildə bazarda batareya tutumu rekordu olan daha çox smartfon peyda olacaq.
NOCOMMENT.az xəbər verir ki, bu barədə Android Authority məlumat yayıb.
Media jurnalistləri 7000 milliamper/saat tutumlu akkumulyator alan yeni Realme Neo 7 smartfonuna diqqət çəkiblər. Mütəxəssislərin fikrincə, yüksək tutumlu akkumulyatorun tətbiqi akkumulyator seqmentində irəliləyiş sayəsində mümkün olub.
Materialda deyilir ki, istehsalçılar süni intellekt (AI) alətləri və digər yeniliklərdən daha çox smartfonların yüksək muxtariyyətində maraqlı olan istehlakçıları hədəfləyirlər. Müəlliflər bu məlumatlara əsaslanaraq 2025-ci ildə telefon bazarının əsas tendensiyalarından biri kimi batareya tutumunun artırılmasını qeyd ediblər.
Android Authority jurnalistləri həmçinin yüksək tutumlu batareyaların sərfəli telefonlarda görünəcəyini qeyd ediblər. Onların hesablamalarına görə, belə innovativ akkumulyatorlar cihazların ölçüsünü və çəkisini artırmadan iki-üç gün batareyanın işləmə müddətini təmin edə biləcək.
Dekabrın əvvəlində Digital Chat Station ləqəbi ilə tanınmış insayder bildirmişdi ki, 2025-ci ildə bazara 8000 milliamper-saat batareya tutumu olan smartfonlar çıxacaq. Realme bir sıra oxşar qadcetlər buraxmağı planlaşdırır.
