Gülənçilik (FETÖ) silahlı terror təşkilatının İstanbulda Qaziosmanpaşada hazırkı strukturlaşması ilə bağlı aparılan istintaq çərçivəsində saxlanılan 11 şübhəlidən 4-ü həbs edilib.
NOCOMMENT xəbər verir ki, onların tutulması üçün İstanbulda eyni vaxtda əməliyyat keçirilib.
2-i qovulmuş müəllim, 10-u özəl sektor və 2-si şagird olmaqla 14 şübhəlinin tutulması üçün təşkil edilən əməliyyatda 11 şübhəli tutulub.
Əməliyyatda evlərdə edilən axtarışlar zamanı çoxlu sayda rəqəmsal material, 9 min 417 dollar, 152 min lirə və təxminən 95 min lirə dəyərində qızıl ələ keçirilib.
Növbətçi hakim 4 şübhəlinin tutulması, 7 nəfərin isə məhkəmə nəzarəti tədbirləri tətbiq edilərək azadlığa buraxılması barədə qərar qəbul edib.
