ABŞ və Böyük Britaniya 7 martda Rusiyada terror təhlükəsi səbəbindən öz vətəndaşlarına bu ölkəyə səfər etməmək və yaxın 48 saatda bu ölkədə olan vətəndaşlarını kütləvi tədbirlərdən uzaq olmaq çağırışı etmişdi.
NOCOMMENT.az xəbər verir ki, bu iki ölkənin ardınca Latviya, İsveç, Kanada, Cənubi Koreya, Avstraliya və Estoniya da bu çağırışa qoşuldu.
Qeyd edək ki, çağırış əsasən 8 Mart tədbirləri ilə bağlı edilmişdi. Buna baxmayaraq, son 48 saatda Rusiyada hər hansı gərginlik və terror təhlükəsi qeydə alınmayıb.
Buna görə də Rusiya rəsmiləri hesab edir ki, bu çağırışlar Rusiyaya qarşı psixoloji müharibənin elementi ola bilər./axar.az/
