Səbail rayonu Badamdar qəsəbəsi Seymur Məmmədov küçəsi, 50 ünvanında bina qəzalı vəziyyətdədir.
NOCOMMENT.az bu barədə Pravda.az-a istinadən xəbər verir.
Sakinlərin sözlərinə görə, həm mənzilləri, həm də fasadı qəzalı olan binanın söküləcəyi ilə bağlı vəd verilsə də, yerinə yetirilmir.
Şikayətçilər deyirlər ki, aidiyyəti qurumlara problemlə bağlı müraciət edilib.
Binanın sökülməsi ilə bağlı rəy verilsə də, Dövlət Şəhərsalma və Arxitektura Komitəsi buna icazə vermir.
“Başımıza daş töküldü. Xoşbəxtlikdən heç nə olmadı. Aidiyyəti quruma zəng etdik, dedilər ki, xəsarət alan olmayıbsa, problem yoxdur”, – deyə sakin narazılıq bildirib.
