Qərbi Afrika ölkəsi Qana Oksford Universiteti tərəfindən hazırlanmış yeni malyariya peyvəndini təsdiqləyən ilk ölkə oldu.
NOCOMMENT xəbər verir ki, Qana Qida və Dərman İdarəsi tərəfindən edilən açıqlamaya görə, qurum Oksford Universiteti tərəfindən hazırlanmış R21 malyariya peyvəndinin son sınaq məlumatlarını qiymətləndirdi.
Açıqlamaya görə, bu yeni peyvəndi təsdiqləyən ilk ölkə olan Qanada peyvənd 5 aydan 3 yaşa qədər olan uşaqlarda istifadə olunacaq. Digər tərəfdən, Ümumdünya Səhiyyə Təşkilatı (ÜST) də bu peyvəndi təsdiqləməyi düşünür.
Universitetdən verilən açıqlamada Oksford komandası tərəfindən 400-dən çox uşaq üzərində sınaqdan keçirilən peyvəndin ÜST-nin təsdiq meyarlarını yerinə yetirdiyi bildirilib.
Açıqlamada peyvəndin heç bir yan təsir göstərmədiyi, yüksək doza qəbul edənlərdə 2 il ərzində 80 faiz, aşağı dozada isə 70 faiz qorunma təmin edildiyi bildirilib.
