NOCOMMENT.az Rusiya mətbuatına istinadən xəbər verir ki, Avropa İttifaqının (Aİ) Xarici Əlaqələr və Təhlükəsizlik Siyasəti üzrə Ali Nümayəndəsi Cozep Borrell İsrailin İordan çayının qərb sahilində fələstinliləri hədəf alan hücumlarını kəskin şəkildə pisləyib. Bu barədə regional birliyin xarici siyasət xidmətinin rəsmi saytında dərc edilmiş bəyanatda bildirilir.
Materialda göstərildiyi kimi, oktyabrın 31-də Borrell Yaxın Şərqin bir sıra ölkələrindən olan həmkarları ilə telefon danışıqları aparıb. Avropalı diplomat İordaniya, Səudiyyə Ərəbistanı və Misir nümayəndələrinə telefonla zəng edib.
O, həmçinin İslam Əməkdaşlıq Təşkilatından (İƏT) olan həmkarları ilə Fələstin-İsrail münaqişəsini müzakirə edib. Eyni zamanda, söhbətlər zamanı Borrell İordan çayının qərb sahilindəki vəziyyətə diqqət çəkib.
