Fələstinin Qəzza zolağında İsrail qüvvələrinin atəşə tutması və bombalaması nəticəsində ölənlərin sayı 8,7 mini keçib.
NOCOMMENT.az xəbər verir ki, bu məlumatı Fələstin Səhiyyə Nazirliyi yayıb.
“İsrail qüvvələrinin Qəzza zolağına hücumları nəticəsində həlak olanların sayı hazırda 8796 nəfərdir”, – deyə Səhiyyə Nazirliyinin açıqlamasında bildirilir .
Bundan əlavə, departamentin açıqlamasına görə, Səhiyyə Nazirliyinə İsrailin hava reydləri nəticəsində dağılmış binaların dağıntıları altında itkin düşdüyü barədə 2030 məlumat daxil olub. Bu bəyanatlar əsasən İsrailin bir neçə yüz insanın ölümü və ya yaralanması ilə nəticələnən Cebaliya qaçqın düşərgəsinə genişmiqyaslı hava zərbələri nəticəsində itkin düşmüş fələstinlilərə aiddir.
