Ukrayna Silahlı Qüvvələrinin Ali Baş Komandanı Valeri Zalujnının köməkçisi Gennadi Çastyakov qumbara partlaması nəticəsində ölüb.
NOCOMMENT.az apa-ya istinadən xəbər verir ki, bu barədə UNİAN məlumat yayıb.
Hadisə Kiyev vilayətində, onun evində baş verib.
Onun 13 yaşlı oğlu ağır yaralanıb və xəstəxanaya yerləşdirilib.
Daxili İşlər Nazirliyinin məlumatına görə, hadisə vaxtı Gennadi Çastyakovun evdə olan arvadı və qızı xəsarət almayıb.
Hüquq-mühafizə orqanlarının əməkdaşları mənzilə baxış keçirərkən daha beş ədəd qumbara aşkar ediblər.
Ukrayna Silahlı Qüvvələrinin Ali Baş Komandanı Zalujnı köməkçisinin ölümünə münasibət bildirib.
Bildirilib ki, partlayıcı qurğu hərbçinin ad günündə evə gətirdiyi hədiyyələrdən birində olub.
