NOCOMMENT.az Rusiya mətbuatına istinadən xəbər verir ki, Avropa Komissiyası Rusiya əleyhinə sanksiyaların 12-ci paketi layihəsini hazırlayıb və yaxın günlərdə Aİ ölkələrinə təqdim edəcək. Bunu Macarıstanın xarici işlər və xarici iqtisadi əlaqələr naziri Peter Siyarto jurnalistlərlə görüşündə deyib.
“Xarici Əlaqələr Şurasının iclasında biz məlumat aldıq ki, Avropa Komissiyasının Rusiyaya qarşı yeni sanksiyalar paketi təklifi bu həftə üzv ölkələrə təqdim olunacaq”, – Siyarto deyib.
Eyni zamanda, nazir qeyd edib ki, o, əvvəlki on bir paketin nəticələrinin hərtərəfli təhlili aparılmadan on ikinci sanksiyalar paketinin tətbiqini əsassız hesab edir. Siyarto-nun sözlərinə görə, məhdudlaşdırıcı tədbirlər qarşıya qoyulan məqsədə çatmadı və əksinə, Aİ iqtisadiyyatına ziyan vurdu, eyni zamanda “Rusiya iqtisadiyyatı diz çökdürülmədi və Ukraynada sülh yaxınlaşmadı”.
