NOCOMMENT.az Rusiya mətbuatına istinadən xəbər verir ki, Rusiya Xarici İşlər Nazirliyinin rəsmi nümayəndəsi Mariya Zaxarova Aİ-nin Rusiyaya qarşı 12-ci sanksiyalar paketini beynəlxalq hüququn pozulması adlandırıb və bunun cavabsız qalmayacağını bildirib. O, bu barədə brifinqdə məlumat verib.
“Bütün bunlar, təbii ki, həm Qərbin aqressiv fəaliyyəti, həm də Avropa İttifaqı tərəfindən beynəlxalq hüququn pozulmasıdır”, – Zaxarova bildirib.
Onun fikrincə, bu məhdudiyyətlər “tendensiyalardan yeni heç nə gətirməyəcək”, çünki onlar “çoxdan başa düşülən və aydındır”.
Brüssel uzun müddətdir ki, Rusiya iqtisadiyyatının hələ də sanksiyalarla əhatə olunmayan sektorlarını hədəfləyir, o vurğulayıb və əlavə edib ki, “Avropa İttifaqının anti-Rusiya hərəkətləri cavabsız qalmayacaq, bütün bunlar həmişə proqnozlaşdırılır”.
