Türkiyədə yaşayan türkoloq alim, İstanbul Mərmərə Universitetinin müəllimi, professor Arif Acaloğlunu Bakıda avtomobil vuraraq öldürüb.
NOCOMMENT.az axşam.az-a istinadən xəbər verir ki, hadisə ötən gün saat 23 radələrində Sabunçu rayonu ərazisində olub. Bakı şəhər sakini Azər Spartak oğlu Maqsudov idarə etdiyi “Mercedes” markalı avtomobillə qəza törədib. Yolu keçən paytaxt sakini, 1956-cı il təvəllüdlü Arif Acaloğlu xəsarət alıb və xəstəxanaya yerləşdirilib. Onun həyatını xilas etmək mümkün olmayıb.
Faktla bağlı Sabunçu RPİ-də cinayət işi açılıb, araşdırma aparılır.
Məlum olub ki, avtomobili idarə edən Azər Maqsudov Kliniki Tibbi Mərkəzin (KTM) Toksikologiya şöbəsinin müdiridir.
