NOCOMMENT.az Rusiya mətbuatına istinadən xəbər verir ki, Norveç parlamenti hökumətə Fələstini müstəqil dövlət kimi tanımağa hazır olmağı tövsiyə edib. Bu barədə NRK telekanalı məlumat yayıb.
“Parlament hökumətdən Fələstinin tanınmasının sülh prosesinə və yekun sülh sazişinə müsbət təsir göstərə biləcəyi bir vaxtda onu ayrıca dövlət kimi tanımağa hazır olmasını xahiş edir”, – deyə məlumatda bildirilir.
Fələstinin tanınması məsələsi parlamentə Norveç Fəhlə Partiyası və Mərkəz Partiyasının təşəbbüsü ilə daxil edilib. Səsvermə göstərib ki, 83 deputat ideyanı dəstəkləyib, 15 deputat əleyhinə çıxıb.
Noyabrın 15-də Norveçin İsraili “Əl-Şifa” xəstəxanasındakı hərəkətlərinə görə tənqid etdiyi bildirilib. Xarici işlər naziri Espen Bart Eide belə bir inkişafın qəbul edilə bilməyəcəyini bildirib.
