NOCOMMENT.az Rusiya mətbuatına istinadən xəbər verir ki, NATO-nun baş katibi Yens Stoltenberq bəyan edib ki, Alyans qərar qəbul etmək və hərəkət etmək lazım olduğu halda Finlandiyanın Rusiya ilə sərhədində baş verənlər barədə tam məlumata malik olmaq istəyir. Bu barədə RİA Novosti məlumat yayıb.
“Biz bu məsələni diqqətlə izləyirik. Mən Finlandiyanın müdafiə naziri ilə həftənin əvvəlində Aİ ölkələrinin müdafiə nazirliyinin rəhbərləri ilə görüş çərçivəsində görüşdüm”, — Stoltenberq bildirib.
Hərbi alyansın baş katibinin sözlərinə görə, Finlandiya Müdafiə Nazirliyinin rəhbəri vəziyyətin təhlilini onunla bölüşüb.
“O, Rusiya ilə sərhədlərə toplaşan qaçqınların sayının artmasından narahatdır. Biz bunu diqqətlə izləyirik və ayıq-sayıq qalırıq”, – Stoltenberq yekunlaşdırıb.
