NOCOMMENT.az Rusiya mətbuatına istinadən xəbər verir ki, Rusiya Aerokosmik Qüvvələrinin Tu-160 raket daşıyıcıları və Tu-22M3 bombardmançı təyyarələri üç dənizin suları üzərində uçuşlar həyata keçirib. Bu barədə Rusiya Müdafiə Nazirliyi məlumat yayıb.
“Təyyarələr Barents, Norveç və Qara dənizlərin neytral sularında hava məkanında planlı uçuşlar həyata keçirib”, – departament bildirib.
Nazirlik qeyd edib ki, ən uzun uçuş 13 saatı keçib. Uzaq mənzilli təyyarələr qırıcıların müşayiəti ilə təmin edilib.
Uzaqmənzilli aviasiya komandiri, general-leytenant Sergey Kobılaşın sözlərinə görə, uçuşlar hava məkanından istifadə üzrə beynəlxalq qaydalara uyğun həyata keçirilib. O xatırladıb ki, rusiyalı pilotlar mütəmadi olaraq belə uçuşlar edir.
