NATO-nun baş katibi Yens Stoltenberq Ukraynadakı mövcud vəziyyəti şərh edib .
NOCOMMENT.az TASS-a istinadla xəbər verir ki , o, bu barədə alyansın Brüsseldəki mənzil-qərargahında keçirdiyi mətbuat konfransında danışıb .
Stoltenberq Ukraynadakı vəziyyəti dəyərləndirib və onu alyansın gözlədiyindən daha mürəkkəb adlandırıb. O, həmçinin etiraf edib ki, Rusiya hücum əməliyyatlarına başlayıb.
“Ancaq vəziyyətin gözlənildiyindən daha mürəkkəb olması yardıma qarşı arqument deyil, Ukraynaya daha çox yardımın lehinə arqumentdir. Biz prezident Putinin qalib gəlməsinə imkan verə bilmərik, bu, NATO üçün pis olacaq”, – alyansın baş katibi vurğulayıb.
