NOCOMMENT.az Rusiya mətbuatına istinadən xəbər verir ki, Fələstin Milli Administrasiyası anklavda atəşkəsə nail olmağı daha yüksək prioritet hesab edərək, müharibədən sonra Qəzza zolağının yenidən qurulmasını müzakirə etməyəcək. Bu barədə RİA Novosti-yə Fələstin prezidentinin müşaviri Mahmud əl-Həbbaş bildirib.
Biz indi Qəzzanın gələcəyi ilə bağlı hər hansı söhbətə dalmaq istəmirik, indi prioritet atəşkəsdir”, – deyə siyasətçi bildirib.
Eyni zamanda Əl-Həbbaş bildirib ki, Fələstin Administrasiyası İordan çayının qərb sahili və Qüds olmadan Qəzza zolağı ilə bağlı istənilən qərarı rədd edəcək. Onun sözlərinə görə, münaqişəni yalnız Fələstin dövlətinin yaradılması və İsrailin işğalına son qoymaqla həll etmək olar.
