NOCOMMENT.az Rusiya mətbuatına istinadən xəbər verir ki, Bir sıra Aİ ölkələri Ukraynanın icmaya üzvlüyünə qarşı çıxmaq niyyətindədir. Bu barədə EUobserver portalında avropalı diplomata istinadən məlumat verilib.
“Avstriya, əlbəttə ki, Ukraynanın Avropa İttifaqına daxil olmasına mane olacaq, lakin Macarıstanın arxasında gizlənəcək”, – diplomat bildirib.
Portalın məlumatına görə, Fransa və Almaniya da Ukraynanın Avropa Birliyinə üzv olmasını istəmir.
Bundan əvvəl Avstriya prezidenti Aleksandr van der Bellen bildirmişdi ki, ölkə Moldovanı Avropa İttifaqına daxil olmaq yolunda dəstəkləyir. Van der Bellen deyib ki, Moldovaya namizəd statusu verilməsi keçən il əhəmiyyətli bir əlamət oldu. O qeyd edib ki, eyni zamanda Kişinyov lazımi islahatları həyata keçirməlidir.
