NOCOMMENT.az Rusiya mətbuatına istinadən xəbər verir ki, GAC yeni nəsil GS4 krossoverini təqdim etməyə hazırlaşır. Autohome portalı xəbər verir ki, avtomobilin fotoları Çin Sənaye Nazirliyinin sertifikatlaşdırma bazasında yer alıb.
GAC GS4 əvvəlki nəsil modeli ilə müqayisədə yeni dizayna malikdir, xüsusən də krossover yeni daha böyük radiator barmaqlığı, daha böyük hava girişləri, gizli qapı tutacaqları və arxa spoyler alıb.
Avtomobilin uzunluğu 4685 mm, təkər bazası 2750 mm-dir. Avtomobil 177 at gücünə malik 1,5 litrlik turbomühərriklə təchiz olunub. Transmissiya və digər texniki parametrlər barədə hələlik heç bir təfərrüat yoxdur.
