NOCOMMENT.az Rusiya mətbuatına istinadən xəbər verir ki, Avropa İttifaqının sərhəd nəzarəti agentliyi Frontex öz qüvvələrini Finlandiyadakı Rusiya ilə sərhədə göndərməyə hazırdır. Bu barədə Helsingin Sanomat qəzeti məlumat yayıb.
“Finlandiya dəstək üçün Frontex-ə müraciət etdi. Frontex-in Finlandiyaya nə qədər əlavə qüvvə göndərəcəyi hələ qərar verilməyib”, – təşkilatın bəyanatında deyilir.
Nəşrin yazdığına görə, Frontex hazırda Finlandiya hakimiyyət orqanları ilə daimi dialoq aparır və sərhədçiləri yenidən yerləşdirməklə təcili yardım göstərməyə hazırlaşır. Bundan əlavə, təşkilat Finlandiyanın sərhəd vəziyyətinin inkişafının digər qonşu Aİ ölkələrinə daha geniş təsirini qiymətləndirir.
