NOCOMMENT.az xəbər verir ki, Fələstinin radikal HƏMAS hərəkatının rəhbərliyinin üzvü Basem Naim Qətər, Misir və ABŞ-ın Qəzza zolağında noyabrın 24-dən qüvvəyə minəcək atəşkəsin qarantı olduğunu bildirib. Bu barədə Əl-Cəzirə telekanalı məlumat yayıb.
“Qətər, Misir və Birləşmiş Ştatlar Qəzza zolağında humanitar atəşkəsin təminatçısı kimi çıxış edirlər”, – Naim bildirib.
Bundan əvvəl İsrailin baş naziri Benyamin Netanyahunun ofisi yəhudi dövlətinin azad ediləcək girovların adlarının ilkin siyahısını aldığını təsdiqləyib.
