NOCOMMENT.az xəbər verir ki, Qətər nümayəndə heyəti Qəzza zolağında atəşkəsin uzadılması imkanlarını müzakirə etmək üçün İsrailə səfər edib. Bu barədə “Al Hadath” telekanalı məlumat yayıb.
Nəşrin mənbələrinin məlumatına görə, Qətər nümayəndə heyətinin üzvlərindən biri də Fələstin-İsrail münaqişəsi zonasına daxil olub. Nümayəndə heyəti HƏMAS-ın Qəzza zolağındakı lideri Yəhya Sinvara İsraillə sazişin şərtlərini yerinə yetirmək üçün təzyiq göstərməyi qarşısına məqsəd qoyub.
Noyabrın 25-i axşam saatlarında Qətərin özəl təyyarəsinin İsrailə eniş etdiyi məlum olub. “The Times of Israel” qəzetinin məlumatına görə, təyyarə Kiprin Larnaka şəhərindən Təl-Əvivə çatıb. Məqalədə layner haqqında başqa heç bir məlumat verilmir.
