NOCOMMENT.az Rusiya mətbuatına istinadən xəbər verir ki, Birləşmiş Millətlər Təşkilatının (BMT) Baş katibi Antonio Quterreş BMT Baş Assambleyasının Qəzza zolağında atəşkəslə bağlı qətnaməsini yerinə yetirməməsi səbəbindən təşkilatın etibarının şübhə altına alındığını bildirib. Bu barədə Quterreş Qətərdə Doha Forumunun açılışı zamanı bildirib.
“RİA Novosti” BMT-nin baş katibindən sitat gətirib: “BMT və Təhlükəsizlik Şurasına olan səlahiyyət və etimad onların Qəzza zolağında atəşkəs qətnaməsini yerinə yetirə bilməməsi səbəbindən sarsılıb”.
Eyni zamanda, Quterreş təslim olmayacağını və atəşkəsə çağırmağa davam edəcəyini vurğulayıb. O qeyd edib ki, Qəzzada iki aylıq müharibə görünməmiş sayda insan tələfatı ilə nəticələnib və anklavın sağ qalan sakinləri humanitar fəlakət və xəstəlik epidemiyası ilə üzləşirlər.
