Birləşmiş Ştatlar gələcəkdə Ukraynaya “Rusiya təcavüzünün” qarşısını ala biləcək bir ordu yaratmağa kömək etməkdə qərarlıdır.
NOCOMMENT.az xəbər verir ki, bunu Pentaqonun rəhbəri Lloyd Ostin Ukrayna lideri Vladimir Zelenski ilə birgə çıxışı zamanı deyib.
“Müttəfiqlərimiz və tərəfdaşlarımızla birlikdə biz Ukraynaya müharibə qabiliyyətini möhkəmləndirməkdə və genişləndirməkdə və qarşıdakı illərdə Rusiyanın təcavüzünə qarşı mübarizə apara biləcək gələcək qüvvələrin yaradılmasında kömək etməyə sadiqik”, – o deyib.
Bundan əlavə, Ostin bildirib ki, Vaşinqtonun Kiyevə dəstəyi “sabit olaraq qalır”, Rusiyanı gələcəkdə “təcavüzün istənilən təzahürlərindən”, o cümlədən ABŞ-ın NATO müttəfiqlərinə qarşı çəkindirmək niyyəti də var.
