Serbiya prezidenti Aleksandar Vuçiç RİA Novosti-yə verdiyi müsahibədə deyib ki, bundan sonra Serbiya Rusiyaya qarşı sanksiyalar tətbiq edərsə, Qərb Belqraddan Kosovonun müstəqilliyini tanımasını tələb edəcək.
NOCOMMENT.az xəbər verir ki, Serbiyanın rəhbəri Qərbin ölkə hakimiyyətini Rusiya Federasiyasına qarşı məhdudlaşdırıcı tədbirlər görməyə və Kosovodan imtina etməyə məcbur etmək üçün təzyiqindən danışıb.
“Serbiya yeganə ölkədir ki, Rusiya Federasiyasına qarşı sanksiyalar tətbiq etmir. Şəxsən heç kim səni heç nə ilə hədələmir, heç kim sənə günahkar olduğunu demir. Yox.Ancaq ölkəniz birini, digərini, üçüncüsünü almayacaq”, – deyə Vuçiç bildirib.
Serbiya lideri Belqradın artıq müxtəlif səviyyələrdə, o cümlədən Kosovonun müstəqilliyinin tanınması məsələsində bu vəziyyətlə üzləşdiyini bildirib.
Onun sözlərinə görə, Rusiya ilə ənənəvi yaxşı münasibətləri nəzərə alsaq, Belqrad çətin vəziyyətdədir.
