Bu gün avrokubokların püşkatma mərasimi olacaq.
NOCOMMENT.az xəbər verir ki, əvvəlcə Bakı vaxtı ilə saat
15:00-da UEFA Çempionlar Liqasında 1/8 final mərhələsinin püşkü atılacaq.
Saat 16:00-da isə UEFA Avropa Liqasının (AL) pley-off mərhələsinin püşkatması olacaq.
Xatırladaq ki, təmsilçimiz “Qarabağ”ın da pley-offdakı rəqibi bu püşkatma ilə bəlli olacaq.
Ağdam klubunun potensial rəqibləri isə aşağıdakılardır:
“Qalatasaray” (Türkiyə)
“Lans” (Fransa)
“Braqa” (Portuqaliya)
“Benfika” (Portuqaliya)
“Feyenoord” (Niderland)
“Milan” (İtaliya)
“Yanq Boyz” (İsveçrə)
“Şaxtyor” (Ukrayna)
Oyunlar fevralın 15-i və 22-i baş tutacaq. Təmsilçimizin ilk matçı səfərdə, ikinci matçı doğma meydanda oynayacaq.
Sözügedən mərhələnin qalibləri 1/8 finalda Avropa Liqasının qrup birinciləri ilə qarşılaşacaq.
Qeyd edək ki, bu gün UEFA Konfrans Liqasında da pley-off mərhələsinin püşkü atılacaq. Püşkatma mərasimi Bakı vaxtı ilə saat 17:00-da başlayacaq.
