Dekabrın 20-dən Sankt-Peterburqda kütləvi Yeni il, idman və mədəni tədbirlər zamanı maska rejimi tətbiq olunacaq.
NOCOMMENT.az xəbər verir ki, müvafiq qərarı Sankt-Peterburq şəhəri üzrə baş dövlət sanitar həkimi Nataliya Başketova imzalayıb.
Maska rejimi şəhərin tibbi-sosial müəssisələrində də tətbiq edilir. Həmçinin xəstəxanalarda və sosial müəssisələrdə ağır xəstələrə və yataq xəstələrinə qulluq edən şəxslər istisna olmaqla, ziyarətçilərə qadağa qoyulur. Tibb təşkilatları infeksiyaların nozokomial ötürülməsini istisna etmək üçün xəstələrin axınını fərqləndirməlidir.
