Küveytin yeni əmiri Şeyx Məşəl əl-Əhməd əl-Cabir əs-Sabah hökumətin istefasını qəbul edib, əmirliyin Nazirlər Kabinetinin üzvləri müvəqqəti olaraq öz vəzifələrini icra etməyə davam edəcəklər.
NOCOMMENT.az xəbər verir ki, bu barədə Küveytin “KUNA” xəbər agentliyi məlumat yayıb.
Bundan əvvəl Küveytin baş naziri Şeyx Əhməd Nəvaf əl-Əhməd əs-Sabah yeni dövlət başçısına hökumətin istefası ilə bağlı sorğu təqdim edib.
Küveyt əmiri ölkənin birpalatalı parlamenti olan Milli Assambleya qarşısında and içib. Şeyx Məşəl dekabrın 16-da vəfat edən Şeyx Nəvaf əl-Əhməd əl-Cabir əs-Sabahın yerinə keçib. Küveyt Konstitusiyasına görə, əmirin ölümündən sonra taxt avtomatik olaraq vəliəhd şahzadəyə keçir, lakin o, yalnız parlamentdə and içdikdən sonra hakimiyyətə gələ bilər.
