Orta məktəbdə ürəyi dayanan 13 yaşlı şagird müəlliminin müdaxiləsi ilə həyata dönüb.
NOCOMMENT.az xəbər verir ki, hadisə Amasiyada baş verib.
Huşunu itirəndən sonra ürəyi dayanan şagirdə ilkin tibbi yardımı müəllimi Hüseyn Aktaş edib.
Aktaş şagirdə əvvəlcə süni tənəffüs verib, daha sonra ürək masajı edib. Bu müdaxilə ilə şagirdin ürəyi yenidən işə düşüb.
Bir müddət reanimasiyada müalicə olunan və vəziyyəti yaxşılaşınca normal palataya aparılan Çələbinin müalicəsi xəstəxanada davam edir.
Aktaş jurnalistlərə deyib ki, digər tələbələrdən Çətin Çələbinin huşunu itirdiyini eşitdiyi üçün dərhal müdaxilə etmək üçün onun yanına gedib.
