ABŞ Energetika Nazirliyinin məlumatına görə, ötən il Amerika ardıcıl üçüncü dəfə Avropaya ən böyük mayeləşdirilmiş təbii qaz ixracatçısı olub.
NOCOMMENT.az xəbər verir ki, bu barədə TASS məlumat yayıb.
Agentlik aydınlaşdırır ki, ABŞ-ın Avropa İttifaqı tərəfindən LNG idxalında payı 48% və ya gündə 7,1 milyard kubmetr təşkil edib.
İkinci yeri 14%-lə gündə 2 milyard kubmetr LNG tədarük edən Qətər tutub. Rusiya 13% pay və sutkada 1,8 milyard kubmetr həcmlə üçüncü yerə düşüb.
Ümumilikdə, ABŞ, Qətər və Rusiya Avropaya LNG tədarükünün 75%-ni təmin edib. Aİ-nin cəmi LNG idxalı 2022-ci ilə qədər demək olar ki, dəyişməyərək gündə 14,7 milyard kubmetr təşkil edib.
