Rusiya biznesinə xarici vençur investisiyalarının həcmi 2023-cü ilin sonunda 15 dəfə azalaraq, 55 milyon dollar təşkil edib.
NOCOMMENT.az xəbər verir ki, bu barədə “Kommersant” Moskva İnnovasiyalar Agentliyinin məlumatlarına istinadən yazır.
Müqayisə üçün bildirək ki, 2022-ci ildə bu rəqəm 814 milyon dollar olub.
Eyni zamanda, xaricilər ultra nazik smart kontakt linzalar hazırlayan bir şirkətə ümumi məbləğin 40 milyon dollarını yatırıblar.
Ümumilikdə, Rusiya Federasiyasında vençur investisiya bazarı 12 ay ərzində 10 dəfə azalaraq bir il əvvəlki 1,25 milyard dollarla müqayisədə 118,2 milyon dollar təşkil edib. Bu, son 7 ildə tarixi minimumdur.
