Myanma hökuməti turistlərin sayının artması ilə əlaqədar Moskvaya birbaşa uçuşların açılmasını müzakirə edir.
NOCOMMENT.az xəbər verir ki, bu barədə “İzvestiya” qəzeti ölkənin baş nazirinin ofisinə istinadən məlumat yayıb.
“Əvvəllər biz Moskvaya birbaşa uçuşlar açmağı planlaşdırırdıq. Amma o vaxt turistlər çox az idi, ona görə də Novosibirskdə dayandıq. Əgər turist axını artarsa, o zaman Moskva ilə birbaşa əlaqənin başlanması ilə bağlı müzakirələr bərpa olunacaq”, – Myanma hökuməti bildirib.
Ruslar üçün viza rejimi kifayət qədər yumşaqdır – 2025-ci ilə qədər uzadılan pilot layihə çərçivəsində Myanmada 30 günə qədər vizasız qala bilərsiniz.
Viza rejiminin tamamilə ləğvi imkanları da müzakirə olunur. Rusiya Turoperatorları Assosiasiyası Myanmanın Rusiyadan gələn turistlərə maraq göstərdiyini qeyd edib.
