ABŞ hakimiyyəti Yaxın Şərqə əlavə döyüş təyyarələri göndərməyə hazırlaşır. Onların köçürülməsi ilə bağlı qərar regionda artan gərginlik fonunda qəbul edilib.
NOCOMMENT.az xəbər verir ki, The New York Times qəzeti mənbəyə istinadən məlumat yayıb.
ABŞ Fələstinin HƏMAS hərəkatının siyasi bürosunun rəhbəri İsmayıl Haniyənin Tehranda öldürülməsindən sonra İranın İsrailə mümkün hücumundan narahatdır.
Bundan əvvəl Amerika lideri Co Baydenlə İsrailin baş naziri Benyamin Netanyahu arasında ABŞ-ın Təl-Əvivə dəstək üçün “hərbi yerləşdirmə” ehtimalı ilə bağlı telefon danışığı barədə məlumat yayılmışdı.
