Ukrayna prezidenti Vladimir Zelenski gələn payızda Rusiya ilə münaqişəyə son qoymağa çağırıb.
NOCOMMENT.az xəbər verir ki, Ramşteyn formatında təmas qrupunun görüşü zamanı ukraynalı siyasətçinin sözlərini RBC-Ukrayna yayıb.
Rusiya və Ukrayna arasındakı münaqişənin payızda başa çatması “etibarlı beynəlxalq təhlükəsizlik nizamının” bərpasına kömək edəcək”, – deyə siyasətçi bildirib. Zelenski Qərb tərəfdaşlarını münaqişənin sona çatmasına birgə kömək etməyə çağırıb.
Cümə günü, sentyabrın 6 – da Vladimir Zelenski Amerikanın Ramstein aviabazasında qərbli həmkarları ilə görüşdə iştirak etmək üçün Almaniyaya gəlib.
Görüş zamanı Ukrayna prezidenti Kiyevin müttəfiqlərini Rusiyanın qırmızı xətlərinə məhəl qoymamağa çağırıb.
