ABŞ Mərkəzi Komandanlığı (CENTCOM) son 24 saat ərzində Yəməndə Husilərə məxsus üç pilotsuz uçan aparatın və iki Husi raket buraxılış qurğusunun məhv edildiyini bildirib.
NOCOMMENT.az xəbər verir ki, bu barədə “X” sosial şəbəkəsində deyilir.
“Son 24 saat ərzində CENTCOM qüvvələri Yəməndə husilərin nəzarəti altında olan üç pilotsuz uçan aparatı və iki raket buraxılış qurğusunu uğurla məhv edib”, – komandanlığın bəyanatında deyilir.
CENTCOM-un məlumatına görə, “bu qurğular ABŞ və koalisiya qüvvələri, eləcə də regiondakı ticarət gəmiləri üçün açıq və hazırkı təhlükə yaradırdı”.
“Bu hərəkətlər naviqasiya azadlığını təmin etmək üçün atılıb”, – ABŞ ordusu əlavə edib.
