Qazaxıstan hakimiyyəti qondarma qeydiyyata görə inzibati məsuliyyəti sərtləşdirməyi və yerli miqrasiya qanunvericiliyini pozan əcnəbi vətəndaşların ölkədən çıxarılması qaydalarını sadələşdirməyi planlaşdırır.
NOCOMMENT.az xəbər verir ki, bu barədə Daxili İşlər Nazirliyinin Miqrasiya Polisi Komitəsinin sədri Aslan Atalıkov məlumat verib.
Onun sözlərinə görə, respublika rəhbərliyi miqrasiya nəzarətinin gücləndirilməsinə yönələcək yeni düzəlişlər paketi hazırlamaq niyyətindədir. Xüsusilə, “Qazaxıstanda 30 gündən çox qalmaq niyyətində olan” əcnəbilərin qeydiyyatı institutunun bərpası planlaşdırılır. Eyni zamanda o, ölkədə qalma müddəti 30 gündən çox olmayan turistlərin bu yeniliklərdən təsirlənməyəcəyinə də aydınlıq gətirib.
“Qonaq qeydiyyata görə inzibati məsuliyyətin sərtləşdirilməsinə dair düzəlişlər hazırlanır”, – deyə o vurğulayıb.
Bundan əlavə, Qazaxıstanda miqrasiya qanunlarını pozanlar üçün yeni deportasiya institutu yaranacaq, deyə o əlavə edib. Onun sözlərinə görə, respublikanın Daxili İşlər Nazirliyi əcnəbilərin ölkədən çıxarılması ilə bağlı mövcud proseduru mürəkkəb hesab edir. Yeni qaydalar miqrasiya qanunvericiliyini “açıq-aşkar və davamlı pozanların” ölkədən çıxarılmasını sürətləndirmək üçün nəzərdə tutulub.
