Potsdam İqlimə Təsir Tədqiqatları İnstitutunun (PIK) alimləri belə qənaətə gəliblər ki, dünya okeanlarının turşuluğu dəniz həyatını dəstəkləmək və iqlimi sabitləşdirmək üçün həddindən artıq yüksək ola bilər.
NOCOMMENT.az xəbər verir ki, bu barədə Phys.org portalı Agence France-Presse (AFP) xəbər agentliyinə istinadən məlumat yayıb.
Elmi qurumun hesabatına görə, daim artan karbon qazı emissiyaları səbəbindən okeanların turşulaşma səviyyəsi artır.
Turşu su bir çox dəniz növlərini qida ilə təmin edən mərcanlara, qabıqlara və fitoplanktona zərər verir.
Tədqiqatçılar deyirlər ki, bu, dəniz resurslarından asılı olan milyardlarla insanın qida təminatını zəiflədir.
PIK mütəxəssisləri okeanların turşuluq səviyyəsini planetin həyatı dəstəkləmək qabiliyyəti üçün kritik olan doqquz amildən biri adlandırırlar.
Digər parametrlərə havanın karbon qazının tərkibi, şirin suyun vəziyyəti, torpaqlar, biosfer, ozon təbəqəsi, biokimyəvi dövrlər və atmosfer aerozolları daxildir.
