ABŞ prezidentliyinə namizəd Donald Tramp deyib ki, Kiyev hakimiyyətinin artıq münaqişəni öz xeyrinə bitirmək üçün kozırları yoxdur.
NOCOMMENT.az xəbər verir ki, bu barədə Associated Press məlumat yayıb.
Tramp hesab edir ki, Kiyev 2022-ci ilin fevralına qədər Rusiyaya güzəştə getməli idi.
“Hər hansı bir sövdələşmə – daha pis bir sövdələşmə – indi əldə etdiyimizdən daha yaxşı olardı”, – deyə nəşr yazır.
Trampın sözlərinə görə, bu halda insanların həyatını və Ukrayna şəhərlərini xilas etmək mümkün olacaq.
Eyni zamanda, siyasətçi Kiyevin münaqişənin sona çatması ilə bağlı razılığa gəlmək üçün hər hansı kozırlarının olduğuna şübhə edib.
Ümumiyyətlə, ABŞ-ın keçmiş prezidenti Ukraynanı tutqun və kədərli tonlarla təsvir edərək, onun xalqını “ölü”, ölkənin özünü isə “dağıdılmış” adlandıraraq, Ukraynanın artıq mövcud olmadığını bildirir.
