Rusiya baş nazirinin müavini Aleksandr Novak bildirib ki, Rusiya Avropadan nəql olunan qazın 30-40%-ni başqa bazarlara yönləndirib.
NOCOMMENT.az xəbər verir ki, bu barədə “Rossiya 24” məlumat yayıb.
Onun sözlərinə görə, hazırkı vəziyyət avropalı tərəfdaşların tədarükləri artırmaq üçün Rusiyaya üz tutduğunu söyləməyə imkan vermir.
Novak qeyd edib ki, Rusiya Federasiyası cənuba tədarükləri artırıb və “Sibirin gücü” qaz kəməri vasitəsilə Rusiya tərəfi 2025-ci ildə Çin tərəfdaşları ilə maksimum müqavilə öhdəliklərinə çatacaq.
Bir gün əvvəl Rusiya Xarici İşlər Nazirliyinin rəsmi nümayəndəsi Mariya Zaxarova bildirmişdi ki, Avropa İttifaqı Rusiya qazının tədarükünü azaltmağı, xaricdən xammal idxalını artırmağı planlaşdırır.
Diplomat diqqəti Avropa Mərkəzi Bankının keçmiş rəhbəri və İtaliyanın keçmiş baş naziri Mario Draqinin Avropa İttifaqının rəqabət qabiliyyətinin gələcəyi ilə bağlı hesabatına çəkib. Buradan belə nəticə çıxır ki, 2023-cü ilin sonunda Aİ-də qazın qiyməti ABŞ-dakından 345% baha olub. Eyni zamanda, assosiasiyanın yanacaq idxalı üzrə xərcləri 390 milyard avro təşkil edib ki, bu da 2017-2021-ci illər üçün orta göstəricidən 90% çoxdur.
