ABŞ prezidenti Co Bayden Tayvana silah tədarükü və digər hərbi yardımlar üçün 567 milyon dollar ayrılması barədə göstəriş verib.
NOCOMMENT.az xəbər verir ki, bu barədə Ağ Evin saytında dərc olunmuş press-relizdə deyilir.
“Mən dövlət katibinə Tayvana kömək etmək üçün Pentaqonun müdafiə məhsulları və xidmətləri, hərbi təhsil və təlimlərə 567 milyon dollara qədər icazə verməsini əmr edirəm”, – deyə o vurğulayıb.
ABŞ Tayvanın əsas silah tədarükçüsüdür. Çin Xarici İşlər Nazirliyinin hesablamalarına görə, son illər Amerikanın adaya hərbi təchizatlarının ümumi həcmi 70 milyard dolları keçib.
