ABŞ-da Respublikaçılar Partiyasından prezidentliyə namizəd Donald Trampın kampaniyası vitse-prezident Kamala Harrisi seçki kampaniyasının tələblərinin öhdəsindən gəlməməkdə ittiham edib.
NOCOMMENT.az xəbər verir ki, bu barədə RİA Novosti məlumat yayıb.
Tramp-ın seçki kampaniyasının kommunikasiya direktoru Stiven Çun açıqlamasında bildirib ki, Respublikaçılar Partiyasından prezidentliyə namizəd “siyasi tarixdə bənzəri olmayan” aktiv kampaniya proqramı saxlayır.
Çun iddia edir ki, Harris gündəlik olaraq Birləşmiş Ştatların prezidenti olmağa uyğun olmadığını və iş qrafikinin daha az məşğul olduğunu nümayiş etdirir. Respublikaçı namizədin sözçüsü deyir ki, buna görə də o, “Trampın dözümünə malik deyil”.
