Rusiya Dövlət Dumasının sədri Vyaçeslav Volodinin sözlərinə görə, getdikcə daha çox ölkə BRİKS-ə çoxqütblü dünyanın təminatı kimi baxır.
NOCOMMENT.az xəbər verir ki, bu barədə o, Telegram kanalında yazıb.
Volodin Serbiyanın BRİKS-ə qoşulmaq niyyətini şərh edib.
Volodinin sözlərinə görə, BRİKS iştirakçıları və müşahidəçiləri şantaj edilmir və onların suveren işlərinə müdaxilə edilmir.
“Vaşinqton və Brüsselin hegemonluğu üçün vaxt daralır. Ölkələr ABŞ və onun əlaltılarını sevindirmək üçün deyil, insanların mənafeyi naminə bərabərhüquqlu dialoq və qarşılıqlı faydalı əməkdaşlıq yolunu seçirlər”, – deyə spiker qeyd edib.
Volodin həmçinin xatırladıb ki, BRİKS ölkələrinin iqtisadiyyatları G7 ölkələrinin iqtisadiyyatını xeyli üstələyir.
Bundan əvvəl Serbiyanın baş nazirinin müavini Aleksandr Vulin bildirmişdi ki, ölkənin BRİKS-ə qoşulma ehtimalı Avropa İttifaqına qoşulmağa alternativdir.
