Rusiya Federasiyasının Aerokosmik Qüvvələri (VKS) İdlib deeskalasiya zonasında qeyri-qanuni silahlı birləşmələrin pilotsuz uçuş aparatları istehsal etdiyi üç terrorçu təlim mərkəzi, bir anbar və iki emalatxananı məhv edib.
NOCOMMENT.az xəbər verir ki, bu barədə Suriyada döyüşən tərəflərin barışdırılması üzrə Rusiya Mərkəzinin rəhbərinin müavini Oleq İqnasyuk bildirib.
İqnasyuk izah edib ki, Rusiya aviasiyası radikal qrupların Suriya hökumətinin nəzarətində olan ərazilərə pilotsuz uçuş aparatları və çoxlu raket sistemləri ilə hücum cəhdlərini dayandırmaq üçün terrorçuların hədəflərinə dəqiq zərbələr endirib.
Oktyabrın 13-də o, Rusiya təyyarələrinin 24 saat ərzində Deyr əz-Zor əyalətində suriyalı terrorçuların iki bazasını məhv etdiyini bildirib.
