Birləşmiş Ştatlar İsrailin İrana zərbə endirməyə hazırlığı ilə bağlı çox məxfi kəşfiyyat məlumatlarının sızmasını araşdırır.
NOCOMMENT.az xəbər verir ki, bu barədə mənbələrə istinadən CNN məlumat yayıb.
“Birləşmiş Ştatlar İsrailin İrandan qisas almaq planlarına dair ABŞ kəşfiyyatının çox məxfi məlumatlarının sızmasını araşdırır”, – deyə məlumatda bildirilir.
Telekanalın məlumatına görə, kəşfiyyatda İsrailin İrana hücumu, həmçinin İsrail Hərbi Hava Qüvvələrinin hava-yer raketlərindən istifadə etməklə keçirdiyi təlimlər barədə məlumatlar var. CNN mənbələri bildirirlər ki, sızan sənədlər ABŞ kəşfiyyatının İrana hücum planlarını göstərir.
CNN-in məlumatına görə, sənədlər oktyabrın 15-i və 16-na aid olub və oktyabrın 18-i cümə günü internetdə yayılmağa başlayıb. Telekanal iddia edir ki, onlar “tam məxfi” kimi təsnif edilir, həmçinin bu məlumatla yalnız “Beş Göz” kəşfiyyat alyansının üzvlərinin tanış ola biləcəyini göstərən xüsusi işarələr var.
Digər şeylər arasında, CNN qeyd edir ki, bu cür məlumatların sızması avtomatik olaraq FTB, Pentaqon və ABŞ-ın digər kəşfiyyat agentliklərinin iştirakı ilə istintaqın açılmasına səbəb olur.
