Rusiyanın T-14 Armata və T-90M “Prorıv” tankları dünyanın ən yaxşıları sırasındadır.
NOCOMMENT.az xəbər verir ki, onlar Amerikanın The National Interest (NI) jurnalının zirvəsinə yüksəldilər.
Materialda deyilir ki, Armata ekipajın təhlükəsizliyini artıra və zəifliyi azalda bilən unikal xüsusiyyətlərə malikdir. “Prorıv” döyüş əməliyyatlarında yüksək effektivliyə malikdir. Bu tanklar jurnala görə ilk beşliyə daxil edilib. Həmçinin ilk 5-likdə Amerikanın M1A2 Abrams SEPv2 tankı, Cənubi Koreyanın K2 Black Panther və İsrailin Merkava V tankı var.
Sentyabrın 18-də irlandiyalı jurnalist Çey Bouz rus T-90-ı dünyanın ən döyüş qabiliyyətinə malik tankları adlandırıb. O, son iki ildə tankın döyüş şəraitində təkmilləşdirildiyini, xüsusi əməliyyat zamanı ekipajların əvəzsiz təcrübə qazandığını vurğulayıb.
