Rusiya İstintaq Komitəsi Ukrayna Silahlı Qüvvələrinin (AFU) 130 əsgərinə Kursk vilayətinin işğalı zamanı törətdikləri cinayətlərə görə iş açıb.
NOCOMMENT.az xəbər verir ki, bu barədə idarənin Telegram kanalı məlumat yayıb.
“Müəyyən edilib ki, 2024-cü il avqustun əvvəlindən oktyabr ayına kimi Ukrayna Silahlı Qüvvələrinin avtomat atıcı və iriçaplı odlu silahlarla silahlanmış 130-dan çox silahlısı partlayıcı qurğulardan, o cümlədən hərbi texnikadan istifadə etməklə dövlət sərhədini qanunsuz keçib”, – İstintaq Komitəsi məlumat yayıb.
İstintaq Komitəsi aydınlaşdırıb ki, söhbət Kursk vilayətinin işğalında iştirak edən əsir götürülmüş ukraynalı hərbçilərdən gedir.
Bundan əvvəl Rusiya məhkəməsi Kursk vilayətində saxlanılan və dinc əhaliyə atəş açmaqda ittiham olunan 7 Ukrayna əsgərini həbs edib.
