ABŞ prezidentliyinə Respublikaçılar Partiyasından namizəd Donald Tramp “Rusiyanın dostu” olması ilə bağlı deyilənləri təkzib edib.
NOCOMMENT.az xəbər verir ki, bu barədə ABŞ prezidentliyinə Respublikaçılar Partiyasından namizəd Donald Tramp amerikalı jurnalist Taker Karlsona müsahibə verib.
“Onlar mənim Rusiyanın dostu olduğumu, Rusiya üçün işlədiyimi, rus casusu olduğumu söyləməyi xoşlayırlar. Bu insanlar xəstədir”, – deyə o vurğulayıb.
Bundan əlavə, o, “dünyanın ən böyük qaz kəməri “Şimal axını 2”nin tikintisini əngəlləyənin” olduğunu bildirib.
“Mən onu məhv etdim. Bunu məndən başqa heç kim edə bilməzdi”, – Tramp əlavə edib.
Müsahibədə prezidentliyə namizəd həmçinin yenidən seçiləcəyi təqdirdə milyarder İlon Maskı və keçmiş prezidentliyə namizəd Robert Kennedini güclü vəzifələrə təyin etmək istədiyini bildirib. Və o, Rusiya ilə iddia edilən əlaqəni Demokratlar Partiyasının 2016-cı ildə Hillari Klintonu məğlub etmək üçün başlatdığı əməliyyat hesab edir.
