İsrail Hərbi Hava Qüvvələrinə məxsus təyyarələr Livan paytaxtının cənubunda Hizbullah təşkilatının obyektlərinin yerləşdiyi bir neçə binaya raket zərbələri endirib.
NOCOMMENT.az xəbər verir ki, qatı tüstünün səmaya qalxdığı Ghobeiry, Tayouni, Haret Hreik, Chiyah və Al-Laylaki məhəllələrində güclü partlayışlar eşidilib.
İsrail təyyarələri ikinci gündür Beyruta hava hücumu həyata keçirib.
Zərbələr İsrail komandanlığının cənub məhəllələrinin sakinlərinə göndərdiyi xəbərdarlıqdan sonra həyata keçirilib.
Bombalanmış 6 məhəllədə qalan ailələr təcili olaraq təxliyə edilib.
