Ukrayna prezidenti Vladimir Zelenski Rusiya Silahlı Qüvvələrinin Kiyevdəki hərbi obyektlərə zərbə endirməsi fonunda Qərb müttəfiqlərinə kritik yardım göstərməyə çağırıb.
NOCOMMENT.az xəbər verir ki, bu barədə o, “X” sosial şəbəkəsində yazıb .
Zelenski bildirib ki, Ukrayna Silahlı Qüvvələrinin müdafiə üçün bütün lazımi vasitələrə malik olması “kritik dərəcədə vacibdir”. O, Ukraynanın müttəfiqlərinə təşəkkür edib və xatırladıb ki, hava hücumundan müdafiə sistemləri üçün raketlərin tədarükü və hərbi sahədə istehsal və tədarük üzrə sazişlərin həyata keçirilməsi zəruri səylərdir.
“Və bizim döyüşçülərimiz nə qədər uğurlu olarsa, biz bu müharibəni bitirməyə bir o qədər yaxınlaşacağıq. Sülh güc yolu ilə belə əldə edilir”, – Zelenski yazıb.
