“Gossip Girl” serialının 36 yaşlı aktrisası Şanel Maya Banks itkin düşüb.
NOCOMMENT.az BAKU.WS-ə istinadən xəbər verir ki, 14 gündür ailəsi ondan xəbər ala bilmir. Aktrisa sonuncu dəfə oktyabrın 31-də Los-Ancelesdə görülüb.
O bir ilə yaxındır ki həyat yoldaşı ilə “Playa Vitsa” adlı bölgədə bina evində yaşayırdı.
Aktrisanın yoxluğunu ilk olaraq qonşuları bilib. Onun avtomobili binanın həyətində, iti isə evində qalıb.
Qohumlarının məlumatına görə, o iki gündən bir ailəsi ilə telefon vasitəsilə danışırmış.
Bəzi mənbələrdən verilən məlumata görə isə Maya Banks son zamanlar depressiyada olub. Onun tək qalmaq üçün hamıdan uzaqlaşdığı da ehtimallar arasındadır.
