Şimali Koreya lideri Kim Çen In yeni kamikadze hücum pilotsuz uçan aparatlarının sınaqlarına şəxsən nəzarət edib və bu silahların kütləvi istehsalına ən qısa zamanda başlanmasını əmr edib.
NOCOMMENT.az xəbər verir ki, bu barədə cümə günü, noyabrın 15-də dövlətə məxsus Koreya Mərkəzi Teleqraf Agentliyi (KCNA) məlumat yayıb.
“Kim Çen In mümkün qədər tez seriyalı istehsal sisteminin qurulmasının və tam miqyaslı kütləvi istehsala keçməyin vacibliyini vurğulayıb”, – deyə agentlik məlumat yayıb.
Şimali Koreya lideri qeyd edib ki, dünyada hərbi pilotsuz uçuş aparatlarından istifadə sahəsində rəqabət artır.
“Bu cür obyektiv dəyişikliklər hərbi nəzəriyyə, təcrübə və təhsilin bir çox bölmələrinin təcili yenilənməsini tələb edir”, – KCNA xəbər agentliyi Kim Çen Indan sitat gətirib
